31.07.06 (一) 休息一天

31.07.06 (一) 休息一天

一連三天的寵物展覽，由set 場至收場辛苦工作終於完結啦!!!
我叫到失聲，成身散晒添。跟本就無時間去睇野，只係買左一個假髮比Nobita。
但係一定要多謝Herman，因為佢幫我抽到呢份禮品包比Nobita.......Nobita見到勁開心，我叫佢比Snack我, 佢仲自己去禮品包咬出一包雞條比我.........


超可愛Nobita.

24.07.06 (日) 大暑~好熱

24.07.06 (日) 大暑~好熱

今日好早起身，我地一家人去餐當勞食早餐。勁熱，經過廣場聽到個管理員話今日係大暑唔怪之得咁熱啦!!!
真係太熱Nobita都行得好慢因為太熱，行到一半都係由爸爸抱返屋企。
返到屋企Nobita自己跳入去個浴缸入面，好攪笑，唔通佢想沖涼？

17.07.06 (一) 我就來發癲啦

17.07.06 (一) 我就來發癲啦
係咁做係咁做，我個腦就來爆炸啦 !!!太多野做啦!有無人可以幫下我手。唔好再叫我做野啦!!我一日再多12小時都唔夠。

做到癲左既時候就見邊個打邊個。

14.07.06(五) 今日出個期新Monday有Nobita

14.07.06(五) 今日出個期新Monday有Nobita



今日出既新Monday 有好幾頁係介紹pet用品叫 i pet 仲有人字拖送 。

重點~~~同Yumiko一齊影相個隻狗係我 Nobita (大雄)

10.07.06(一) Nobita & Yumiko拍照新Monday

10.07.06(一) Nobita & Yumiko拍照新Monday

今日帶Nobita同Yumiko為新Monday拍照，打算叫Maggie為Nobita 爆甲，點之........亞良建議用燒焊器，咁血管就唔會再長，心痛死我啦!!!佢隻左手仲好似腫左....唔知係唔係燒到呢!!!但係真係好好.....而家Nobita行路無聱，仲有唔會比手手人時整到人地。

09.07.06(日) 估下呢隻白色雞雞係咩來?

09.07.06(日) 估下呢隻白色雞雞係咩來?

估下呢隻白色雞雞係咩來?

15. 煮蛋器 16. 保暖器

請各位在以下comment 填上答案

06.07.06 (四) Nobita係度做咩呢?

06.07.06 (四) Nobita係度做咩呢?

係因為佢做錯事，所以唔準佢入去個廳，所以佢就坐係廳同走廊位邊界所以就咁樣law....

01.07.06 (六) 七一回歸家中開減肥派對

01.07.06 (六) 七一回歸家中開減肥派對


原本約好朋友來我屋企BBQ，但係天氣好熱，所以改為來我屋企開大食會。 (承辦商準備食物包括: 超級好味加拿大慢吞吞拿魚芝士八掛發包、企圖招牌港中台日泰式炒飯、混蛋洋蔥潘邦茄呢大滾湯、佳佳牌粉紅菲菲悶熱腸焗p沙)

食到飽飽，場內有位國際級專業美容師 "佩佩" 更即場選出全場美女秀秀真人示範修身。示範後model更明顯更秀麗更迷人，個胸仲好似大左小小。哈哈

30.06.06 (五) D.O.L. 市務部總監何秀麗

30.06.06 (五) D.O.L. 市務部總監何秀麗

我都話我係明星，又見報。(30/06/06 (五) 蘋果日報)
個記者登我個全名都唔止，仲比左個" 市務部總監"咁勁函頭我。
唉~~~但佢都岩 ，係大小事務總監。所有同事要大小2便都要經我批准 。

P.S.相中小狗係大明星狗Nikki識倒立個隻。