喜歡桃樂菲公主既男生要注意事項
~我「喊」，無論是否你的錯，你都一定要哄我。
~我可能唔會每秒鐘都掛住你，但係你唔係每秒鐘都掛住,咁就麻煩好似我咁自己都造一個 "心掛掛記錄表 "。
~我見到靚仔都會望，這也是天生的。
~我「哦」你都是因為我關心你和緊張你,唔好當我煩你。
~你唔使係有錢仔亦唔使好靚仔,但最好都有比較遠大的目標和理想，在未來有成為一個有錢佬的可能。
~同我出街時，可唔可以梳番個頭同剃鬚？
~我知我唔係全世界最靚，但我希望你覺得我係，時不時要讚我人靚歌甜樣靚身材正可愛溫柔同得意。
~當我剪了兩吋頭髮打了少少眼影穿了對新鞋時希望你會留意到。
~所有大時大節紀念日同生日，你必須全部都記得。(建議抄底記錄)
~我所有濕濕碎碎野都好想同你分享，例如我公司是非，我朋友既私事以及一大堆無聊野,雖然你未必會明，但希望你會扮聽。
~如果你都會同我講下你對工作上既事平時睇英國足球聯賽等等的意見時，我其實聽唔明都會扮聽和扮好明白咁款。
~你臨訓前可唔可以刷牙？(講明唔好怪我,因為我試過無數次簡單刷牙就訓啦)
~你唔需要好靚仔，但一定要心地好先係最重要(尤其對我)。
~我 M 時係大哂，可以大條道理發脾氣鬧人嚴重既我甚至會打人及咬人，你最好一個月忍我十幾日就哂我。(有時我都會因女性賀爾蒙失調,都要就晒我)
~我會假設你懂得操控及修理任何電器，包括電腦相機電視機錄影機及HI-FI等等,所以有咩事我會第一個搵你。
~有很多事我並不是不懂得做，只是不想做就扮唔識(因為我係好懶)。
~每日去任何地方時都要 CALL 話比我知你位置及同邊個一齊，比我清楚哂你的行蹤。(簡單d即係要報到)
~我發脾氣CUT你線，其實係想你即刻打番電話來再哄我。
~我唔介意你有少少肚腩，但盡量唔好太肥，亦唔好比我瘦。
~好大舊既肌肉型男人唔係MAN，我係好驚。(小小大隻就ok啦) 其實把聲低音講野又粗聲粗氣都幾man,最好唔係對我好惡講野啦。
~在我的朋友面前，我希望你可以表現得比平時更錫我同緊張我。
~我整野比你食時，就算唔岩食你都一定要「話」好食。
~你要欣賞我的工作。
~大男人唔等於霸道。
~溫柔唔等於無主見。
~瀟洒唔等於無交帶。
~不羈唔等於烏where。
~我鍾意你努力工作，但都要盡量抽時間陪我。
~唔好成日問你約會去邊度好都話「是旦」，咁唔叫就哂我只係表示你無心思。
~我唔介意自己穿得像個性感尤物。(但我走光話比我知就可以,唔準成日用隻手傘住我個胸)
~如果我同你講話要減肥，其實最想聽到你同我講：「你一Ｄ都唔肥，唔使減啦，我鍾意咪得囉。」
~我跟你說話的時候，可能聲音會比平時嬌嗲。(所以你聽到我同其他人講野你唔使大驚小怪。)
~我會CHECK你電話的來電顯示和留言。(女人專長,我都唔知點解,可能有唔好經驗所致,所以你發現我Check唔準怪我。)
~你最好唔好有任何女性朋友、紅顏知己或契姐契妹之類的物體。(其實我係醋王)
~我有男性朋友係好正常。(Wa haha)
~我希望你的女同事女性朋友全部都是師奶呀嬸醜女或肥婆。(全部都係我既朋友，因為靚過我唔做得我朋友,所以我好多朋友。)
~我有時都會掛住舊男朋友。吳彥祖、木村拓菜等等。
~無論一齊左幾耐都好，我都渴望你時不時比Ｄ驚喜我。(特然既輕吻唔算)
~你要時不時對我講「我愛你」，否則我會假設你唔愛我。
~我發脾氣時要即時哄番，唔好比時間我冷靜下，其實我完全唔需要時間冷靜。（嬲我會走左去，最好未鬧交前約定一個地點，咁方便你會搵到我。）
~購物是女人的天性，請不要阻止或對我的購物行動有甚麼意見，最好間唔中資助下我。
暫時諗到咁多，歡迎加插意見。
