02.02.07 (五) 華麗桃子公主

02.02.07 (五) 華麗桃子公主

病左都要做野亦無人理會我既病程，只好望住電腦打、打、打........心亂如麻老板不斷我我面前行來行去，大家放心......佢心亂係因為我將要離開呢間公司既日子己經進入倒數再加上我請了兩日病無返工，所以佢就不斷諗有咩我係可以做左先? 佢終於諗到啦!!!就係印定咭片先........又諗啦!!! (唉老西，你仲唔明我點解話補錢早走為咩?就係你以為我係超人羅。) 我都非自願下答應左你會做埋3月份既野，你就唔好迫我啦!我唔想做到唔拖唔水咁走。

到收工前收到以下幾個 task
- 佢張咭片有小小野改加英文 (我間公司個個人張咭片都唔係統一，某人會有某d唔同)
- 整個狗籠既價目表，跟狗糧咁做要有圖Size咩材料做等d客清楚d (你入貨都未必知咩材料做啦?)
- 印定Coupon (吓?邊款先?次次係有咩promotion我先設計無得做定喎! 咁好啦!做定 cash coupon)
- 狗衫既szie chart 只係得日本size 客人唔識睇，你做另一個有狗隻磅數同香港呎碼 (吓!料呢?點搵，仲有重新講一次我唔係designer我只係識用Illustrator 自己畫下公仔，自己興趣做咩要放係公司入面呢?)
- 老板問我 4/2(日) 個Event係邊度?
我答佢係長沙灣。
老板就話 : 你執好晒d野未?
無心工作既我: 有關個Booth既野我無執過喎!
老板: 咁你執d野去啦。
好緊張答: 邊個去......都唔知邊個負責淫 (負責人)
負責淫(老板) : 我負責，同我叫左珍妮去 ..........
唔望佢答 : 得啦!我會執好一盒會場用品比你啦!!!其他野我就唔理啦...就走人去執野。
- 收集3月刊既資料，下星期二比人......(咁早做定都Update啦,是旦啦佢怕3月無得出丫)
- 6/2 又開會, 又要吹人交report 又要整理好....諗諗下想個日唔返....最衰又約左個記者
- 老板好緊張一定要我做 : " 整一個List比我係平時聯絡既資料，邊間公司同搵邊個有無A/C No.最好例清楚。

暫時係咁多,到時又係咁加.......全部都係做定。

佢出左招聘廣告，要請個超人.......又要識會計、designe又要識呢樣又要識個樣......睇來都幾難。

_____________________________________________________




呢排我就係咁好多好多野做啦~~~~~就打比Karen我做得好辛苦點好丫?
Karen : 你又病左我仲諗住約你食飯添....
DorDor : 咁忙日日都要O.T......不如今日唔好開O.T. 去剪髮好唔好？
Karen : 都好喎~~~聽日我又要去飲............

就係咁就約左去剪髮，之後我見到雜誌個女model張相好靚.....所以我就電髮.....唔知係唔係病所以覺得好辛苦，我就坐係度問左好多次我個頭攣未丫。攪到成十一點半先電好，就電左呢個華麗裝啦!